کراچی : سپریم کورٹ کے فیصلے سے قبل پی ٹی آئی نے کراچی میں قرآن خوانی کا اہتمام کیا ، جس میں عمران خان کے حق میں فیصلہ آنے کیلئے دعائیں مانگی گئیں۔

تفصیلات کے مطابق پی ٹی آئی کی جانب سے سپریم کورٹ کے فیصلے سے قبل کراچی میں قرآن خوانی کا اہتمام کیا گیا ، جس میں عمران خان کے حق میں فیصلہ آنے کیلئے دعائیں مانگی گئی۔

پی ٹی آئی رہنماؤں کا کہنا ہے امید ہے کہ آج کا فیصلہ حق اور سچ کا ہوگا، عمران خان سرخرور ہوں گے اور فتح سے ہمکنارہوں گے۔

خیال رہے سپریم کورٹ آج عمران خان اور جہانگیرترین نااہلی کیس کا فیصلہ آج دوپہر2بجےسنائے گی۔

مزید پڑھیں : عمران خان اور جہانگیرترین نااہلی کیس کا فیصلہ آج سنایا جائے گا

نااہلی سے متعلق درخواستیں رہنما ن لیگ حنیف عباسی نے دائرکی تھیں ، جس میں موقف اختیار کیا گیا تھا کہ عمران خان نےآف شورکمپنی ظاہرنہیں کی، عمران خان نےبنی گالہ پراپرٹی بھی ظاہرنہیں کی

عمران خان اور جہانگیرترین نااہلی کیس کی سماعت پاکستان جسٹس میاں ثاقب نثار کی سربراہی میں 3رکنی بینچ نے کی اور سماعت58پیشیوں میں مکمل کی گئی۔

یاد رہے کہ گذشتہ ماہ کو ہاٹ میں عمران خان کا کہنا تھا کہ نواز شریف اور عمران خان کے کیسز میں بہت فرق ہے، سپریم کورٹ میں 60 دستاویزات جمع کروائیں، ایک بھی غلط ہوئی تو سیاست چھوڑ دوں گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔