ریاض : سعودی شہزادی النعود بنت متعب بن عبدالعزیز رضائے الہی سے انتقال کر گئیں۔
سعودی ترجمان کے مطابق شاہ عبدالعزیز کی پوتی اور سعودی شہزادی النعود بنت متعب بن عبدالعزیز جہان فانی سے کوچ کر گئی ہیں، ان کی نماز جنازہ امام ترکی بن عبداللہ مسجد میں بہ وقت نماز عصر ادا کی جائے گی۔
ذرائع کے مطابق نماز جنازہ میں شاہی خاندان کے علاوہ اعلیٰ سول و عسکری قیادت بھی شرکت کرے گی جب کہ شاہی محل اہل خانہ، عمائدین اور دوست احباب کا تعزیت کے لیے تانتا بندھا ہوا ہے۔
- Advertisement -
شہزادی کے انتقال کے باعث تمام سرکاری امور معطل ہیں اور شاہی محل میں تمام تقریبات منسوخ کردی گئی ہیں جب کہ بیرون ملک مقیم شاہی افراد کو طلب کرلیا گیا ہے، شہزادی کی اچانک موت سے پورے سعودیہ میں غم کا سا سماں ہے.
