بیجنگ : چین نے زمین اور پانی پر اترنے والا دنیا کا سب سے بڑا طیارہ بنا لیا ہے ، اس طیارے میں پچاس افراد سفر کر سکتے ہیں ۔

چینی میڈیا کے مطابق چین نے زمین اور پانی پر اترنے والا دنیا کا سب سے بڑا طیارہ تیار کرلیا ، اے جی 600 نامی طیارے کا حجم بوئنگ سیون تھری سیون کے برابر ہے اور اس میں چار ٹربوپراپ انجن لگے ہیں۔ اس طیارے نے چین کے جنوبی صوبے گوآنگڈونگ کے ژوہوئی ایئرپورٹ سے پرواز کی۔

طیارے میں پچاس افراد سوار ہو سکتے ہیں اور اس نے بارہ گھنٹے پرواز کی ، اے جی 600 کا کوڈ نیم ’کونلونگ‘ رکھا گیا ہے۔

چینی ہوائی کمپنی نے آٹھ برس کے عرصے میں یہ طیارے تیار کیا، یہ جہاز خشکی کے ساتھ ساتھ پانی میں بھی لینڈنگ کرنے اور پرواز بھرنے کی صلاحیت رکھتا ہے۔ اس کی لمبائی تقریبا 37 میٹر اور پروں کا پھیلاؤ تقریبا 39 میٹر (127 فٹ) ہے۔

اس کی پہلی آزمائشی پرواز کو چینی ٹیلی وژن پر براہ راست دکھایا گیا۔

مزید پڑھیں : دنیا کے سب سے بڑے ہوائی جہاز کی کامیاب پرواز

یہ ہوائی جہاز جنگلات اور دیگر مقامات پر لگی آگ بجھانے اور سمندر میں ریسکیو کے مقاصد کے لیے استعمال کیا جائے۔

چین میں اس طیارے کے سترہ آرڈرز دیے جاچکے ہیں۔ چین نے اس طیارے کو اپنی بحری سرحدو ں ک محافظ قرار دیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔