اسلام آباد: ایم کیو ایم کے رہنما ڈاکٹرعمران فاروق قتل کیس میں وزارت داخلہ نے تین اہم ملزمان کے ریڈ وارنٹ جاری کرنے کی منظوری دے دی۔

تفصیلات کے مطابق متحدہ قومی موومنٹ کے رہنما عمران فاروق قتل کیس میں اہم پیش رفت سامنے آئی ہے، وزارت داخلہ نے 3 ملزمان کے ریڈ ورانٹ کے اجرا کی منظوری دے دی۔

وزارت داخلہ کی جانب سے جن تین ملزمان کے ریڈ وارنٹ جاری کیے جائیں گے ان میں انورحسین، افتخار حسین اور کاشف خان شامل ہیں، ملزمان کا تعلق ایم کیو ایم لندن سے ہے۔

عمران فاروق کے قتل کی سازش کو بےنقاب ہونا چاہئیے، فاروق ستار

ملزمان کی گرفتاری کے لیے ایف آئی اے انٹرپول سے رابطہ کرے گی وارنٹ جاری ہوتے ہی تینوں ملزمان کو گرفتار کرکے پاکستان لایا جائے گا۔

خیال رہے کہ ایم کیو ایم کے رہنما ڈاکٹرعمران فاروق کو 16 ستمبر2010 کو لندن کے علاقے ایج ویئر کی گرین لین میں ان کے گھر کے باہر قتل کیا گیا تھا۔

یاد رہے کہ ڈاکٹر عمران فاروق قتل کیس میں لندن پولیس اب تک 7697 دستاویزات کی چھان بین اور 4556 افراد سے پوچھ گچھ کرچکی ہے جبکہ 4323 اشیاء قبضے میں لی گئیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔