میلبرن : پاکستان انڈر19نے آسٹریلیا کو انچاس رنز سے شکست دے کر یوتھ ون ڈے سیریز جیت لی۔
تفصیلات کے مطابق آسٹریلیا کے شہر میلبرن میں یوتھ ون ڈے سیریز میں پاکستان انڈر19 نے آسٹریلیا کو انچاس رنز سے شکست دےدی۔
محمد زید عالم نے ایک سو اٹھائیس رنز کی شاندار اننگز کھیلی، میلبرن میں کھیلے گئے یوتھ ون ڈے سیریز کے تیسرے میچ میں پاکستان انڈر نائن ٹین نے پہلے بیٹنگ کرتے ہوئے تین سو نو رنز کا پہاڑ کھڑا کیا۔
محمد زید عالم نے ایک سو اٹھائیس رنز کی اننگز کھیلی، ہدف کے تعاقب میں پاکستانی بولرز نے شاندار بولنگ کی، آسٹریلین ٹیم دو سو ساٹھ رنز تک محدود رہی۔
پاکستان نے تین میچوں کی سیریز دو صفر سے جیت لی، انڈر نائن ٹین ورلڈ کپ کے وارم اپ میچز کھیلنے قومی ٹیم اب نیوزی لینڈ روانہ ہوگی۔
