کراچی : صوبہ پنجاب اورسندھ میں سردیوں کی تعطیلات ختم ہونے کے بعد اسکول دوبارہ سے کھل گئے، بچوں نے بستے اٹھائے اور ٹھان لی کہ سردی ہے توکیا پڑھنا تو ہے۔
تفصیلات کے مطابق پنجاب اور سندھ کے تعلیمی ادارے موسم سرما کی چھٹیوں کے بعد آج دوبارہ کھل گئے، بچوں نےبھرپور انداز میں چھٹیاں گزاریں۔
اسکولوں اور کالجوں میں موسم سرما کی تعطیلات ختم ہونے پررونقیں لوٹ آئیں، صبح کے وقت طلبا کی اسکول وینز اور والدین کے ساتھ اسکول پہنچے جس سے سڑکوں پر رش نظر آیا۔
موسم سرما کی چھٹیوں کے بعد پہلے روز اسکولوں میں حاضری معمول سے کچھ کم ہے جبکہ اسکولوں کے باہرسیکورٹی کے سخت انتظامات کیے گئے ہیں۔
سندھ حکومت نے اسکولوں میں موسم سرما کی تعطیلات کا اعلان کردیا
یاد رہے کہ گزشتہ ماہ 9 نومبر کو سندھ حکومت نے صوبے بھر کے تعلیمی اداروں میں 22 سے 31 دسمبر تک موسم سرما کی تعطیلات کا اعلان کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
