لاہور: وزیراعلیٰ پنجاب شہبازشریف نے سال نوپراہل وطن کومبارکباد دیتے ہوئے کہا کہ 2018 میں پاکستان زیادہ پرامن ، روشن اور مضبوط ہوگا۔

تفصیلات کے مطابق سال نو پر وزیراعلیٰ پنجاب شہبازشریف نے اپنے پیغام میں کہا کہ 2018 میں اپنی کامیابیوں وناکامیوں کا جائزہ لینا ہوگا۔

شہبازشریف نے کہا کہ پاکستان کو پرامن فلاحی ریاست بنانے کے لیےکوشاں ہیں، انہوں نے کہا کہ سی پیک سے ملک میں معاشی استحکام آرہا ہے۔

وزیراعلیٰ پنجاب نے کہا کہ سی پیک منصوبوں سےعوام خوشحال ہورہے ہیں، سی پیک پاکستان کے لیے حقیقی گیم چینجر ثابت ہورہا ہے۔

نئے سال کی آمد پر رہنماؤں کے خصوصی پیغامات

شہبازشریف نے کہا کہ پاک فوج نے دہشت گردی کے خلاف جنگ میں جانیں دے کرپرچم بلند رکھا جبکہ پولیس، دیگراداروں نے بھی دہشت گردی کے خلاف جنگ میں قربانیاں دیں۔

وزیراعلیٰ پنجاب نے کہا کہ نئےانرجی منصوبے، لوڈ شیڈنگ کا خاتمہ عوام کے لیے حکومتی تحفہ ہے، دعاہے 2018 پاکستان کے لیے امن، سلامتی وخوشحالی کا سال ثابت ہو۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔