کراچی: سندھ رینجرز کی شہر قائد کے مختلف علاقوں میں کارروائیاں، 13 ملزمان گرفتار، ملزمان میں کالعدم تنظیم اور لیاری گینگ وار کے کارندے بھی شامل ہیں۔

تفصیلات کے مطابق رینجرز نے بریگیڈ اور ڈاکس سے کالعدم تنظیم کے 2 کارندے گرفتار کرلئے، ملزمان میں مجاہد علی، محمد فرحان عرف حارث عرف ہنی شامل ہیں، ملزمان ٹارگٹ کلنگ، ڈکیتی اور سہولت کاری میں ملوث ہیں۔

ترجمان رینجرز کے مطابق گزری سے لیاری گینگ وار کے 6 ملزمان گرفتار کئے گئے ملزمان میں صابر بروہی عرف شاکر عرف شاکا، ارسلان عرف بابن، آکاش عرف وکی عرف سیون سی، آصف عرف پٹنی، جابر، عبید عرف چھوٹو عرف تیرہ ڈی شامل ہیں۔

ترجمان رینجرز کا کہنا ہے کہ ملزمان کا تعلق عذیر بلوچ اور زاہد لاڈلہ گروپ سے ہے، ملزمان ٹارگٹ کلنگ، بھتہ خوری، اسلحہ کی ذخیرہ اندوزی میں ملوث ہیں۔

ادھر عوامی کالونی سے بھتہ خور فرمان اللہ مروت عرف مینگو گرفتار کیا گیا، جبکہ بلال کالونی سے تین جرائم پیشہ افراد گرفتار کئے گئے، ملزمان لینڈ گریبنگ میں ملوث ہیں، ملزمان میں امین، فیصل عرف لکھ پتی اور عظیم مری شامل ہیں۔

یہ پڑھیں: کراچی، رینجرز کی کارروائی، 7 خطرناک ملزمان گرفتار

ترجمان رینجرز کے مطابق گزری سے منشیات فروش نظار علی کو گرفتار کیا گیا، ملزمان کو قانونی چارہ جوئی کے لئے پولیس کے حوالے کردیا گیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔