بن غازی: لیبیا کے مشرقی شہر بن غازی میں 2 کار بم دھماکوں میں 33 سے زائد افراد جاں بحق جبکہ درجنوں زخمی ہوگئے۔
غیر ملکی خبر رساں ادارے کے مطابق پہلا دھماکہ بن غازی کے مرکزی ضلع میں ایک مسجد کے باہر ہوا۔
دھماکے کے بعد جب ریسکیو، پولیس اور سیکیورٹی فورسز جائے وقوع پر پہنچیں تو تھوڑی دیر ایک اور بڑی شدت کا دھماکہ ہوا۔
دوسرا دھماکہ جائے وقوعہ کے قریب کھڑی ایک مرسڈیز میں ہوا جس نے ایک ایمبولینس کو نقصان پہنچایا جبکہ کئی سیکیورٹی اہلکار بھی دھماکے کی زد میں آئے۔
مارے جانے والے عام شہریوں سمیت ایک مصری شہری بھی شامل ہے۔ حکام نے ہلاکتوں میں اضافے کا خدشہ ظاہر کیا ہے۔
تاحال کسی نے واقعے کی ذمہ داری قبول نہیں کی۔
Comments
- Advertisement -
