ہنگو: وفاق کے زیر انتظام قبائلی علاقوں (فاٹا) کی اورکزئی ایجنسی میں امریکی ڈرون حملے میں 2 مبینہ دہشت گرد ہلاک ہوگئے۔
پولیٹیکل انتظامیہ کے مطابق ڈرون اورکزئی ایجنسی کے علاقے ڈپہ ماموزئی میں ایک گھر پر داغا گیا۔
حملے میں گھر مکمل طور پر تباہ ہوگیا جبکہ 2 مبینہ دہشت گرد بھی ہلاک ہوئے۔
پولیٹیکل انتظامیہ کا کہنا ہے کہ مذکورہ گھر افغان مہاجرین کا تھا جس پر امریکی جاسوس طیارے نے 2 میزائل داغے۔
اس سے قبل 17 جنوری کو بھی پاک افغان سرحدی حصے کرم ایجنسی کے علاقے لوئر کرم پر ڈرون حملہ کیا گیا تھا جس میں 2 مبینہ دہشت گرد ہلاک جبکہ 1 زخمی ہوا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
