بچوں کو زنگر برگر کھانا بے حد پسند ہوتا ہے اور بعض بڑے بھی اس کے شوقین ہوتے ہیں۔ ان کی تسکین طبع کے لیے آپ مزیدار زنگر برگر گھر پر بھی تیار کرسکتی ہیں۔
اجزا
چکن فلے، بریسٹ بون لیس ٹکڑے: آدھا کلو
کالی مرچ: 1 چائے کا چمچ
مسٹرڈ پاؤڈر: 1 چائے کا چمچ
نمک: 1 چائے کا چمچ
چائنیز سالٹ (اجینو موتو): ڈیڑھ چائے کا چمچ
ویسٹر شائر ساس: 2 کھانے کے چمچ
تیل: حسب ضرورت
بیٹر کے لیے
میدہ: 2 چائے کے چمچ
بیکنگ پاؤڈر: 1 چوتھائی چائے کا چمچ
کارن فلور: 2 کھانے کے چمچ
انڈا: 1 عدد
چاول کا آٹا: 2 کھانے کے چمچ
ٹھنڈا پانی: حسب ضرورت
نمک: آدھا چائے کا چمچ
کوٹنگ کے لیے
کارن فلیکس: 1 کپ
بریڈ کرمبز: 1 کپ
چپس: 1 کپ
بن: حسب ضرورت
مایونیز: حسب ضرورت
سلاد کے پتے: حسب ضرورت
چیز سلائس: حسب ضرورت
ترکیب
چکن کو تمام مصالحوں کے ساتھ چوبیس گھنٹوں کے لیے میری نیٹ کرلیں۔
بیٹر کے لیے: بیٹر کے تمام اجزا کو آپس میں یکجان کرلیں اور ایک گاڑھا بیٹر تیار کرلیں۔
کوٹنگ کےلئے: کوٹنگ کے تمام اجزا کو آپس میں مکس کر دیں۔
میری نیٹ کیے ہوئے چکن کو بیٹر میں ڈبو کر تیار کی ہوئی کوٹنگ کے ساتھ کوٹ کر دیں۔
اب اسے گولڈن براؤن ہونے تک فرائی کریں۔
بن کو دو ٹکڑوں میں کاٹ کر اس پر مایونیز پھیلا دیں۔
پھر چکن، سلاد کے پتے اور چیز سلائس رکھ دیں۔
چلی ساس اور کیچپ کے ساتھ گرم گرم سرو کریں۔
