اسلام آباد : وزیرداخلہ احسن اقبال نے کہا ہے کہ سی پیک کےابتدائی منصوبے تکمیل کے مرحلے میں داخل ہوچکے ہیں، سی پیک منصوبوں کےتحت 29 ارب ڈالر کی سرمایہ کاری کی گئی ہے.
ان خیالات کا اظہار انھوں نے سی پیک سے متعلق اجلاس کی صدارت کرتے ہوئے کیا. اجلاس میں وفاقی سیکریٹری منصوبہ بندی کی جانب سےبریفنگ دی گئی.
اس موقع پر احسن اقبال کا کہنا تھا کہ سی پیک منصوبہ اچھی رفتارسے آگے بڑھ رہا ہے، کراچی سے پشاور، پشاورسے لنڈی کوتل تک ریلوے منصوبے پراتفاق ہوا ہے، قراقرم ہائی وے کے فیز 2 پربھی اتفاق رائے ہوگیا ہے۔
انھوں نے سی پیک کی رفتار پر اطمینان کا اظہار کرتے ہوئے کہا کہ مغر بی روٹ میں گوادرسے کوئٹہ کی سڑ ک مکمل ہوچکی ہے، ویسٹرن روٹ پر مستقبل میں سڑکوں کی توسیع بھی کی جائے گی.
بھارت کوطرزعمل بد لنا ہوگا، مستقبل جنگ سے نہیں، امن سے وابستہ ہے: احسن اقبال
اجلاس میں اقتصادی راہداری کے تحت زیر تکمیل منصوبوں پر پیش رفت کاجائزہ لیا گیا.
احسن اقبال کا کہنا تھا کہ منصوبوں کی تکمیل کے براہ راست اثرات جلد عوام تک پہنچنا شروع ہوں گے، اقتصادی راہداری کےتحت متعدد منصوبے پائپ لائن میں ہیں، منصوبوں پر کام کےآغازکے موثر لئےاقدامات کئےجارہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
