معروف ٹیکسی کمپنی کریم نے کچھ عرصہ قبل ہی کم پیسوں میں بائیک سروس بھی متعارف کروائی ہے، اور حال ہی میں ایک خاتون نے کریم بائیک کی پہلی خاتون کیپٹن بن کر ایک نئی مثال قائم کی ہے۔
کریم اس سے قبل بھی اپنی مختلف رائیڈ سروسز کے لیے خواتین کو بطور کیپٹن یا ڈرائیورز مقرر کر چکا ہے جس سے ایک طرف تو خواتین مسافروں کو سفر کرنے میں آسانی ہوتی ہے، دوسری جانب ضرورت مند خواتین کو بھی ایک باعزت ذریعہ روزگار فراہم ہوجاتا ہے۔
حال ہی میں کریم نے اعلان کیا ہے کہ انہوں نے رفعت شیراز کو بائیک سروس کے لیے پہلی خاتون کیپٹن مقرر کردیا ہے جو دیگر مرد ڈرائیورز کی طرح 12 گھنٹے اپنی ڈیوٹی سر انجام دیتی ہیں۔
مزید پڑھیں: ٹیکسی میں سفر کرنے والے افراد ان اصولوں کے بارے میں جانیں
رفعت کا کہنا ہے کہ وہ روزانہ بے شمار مسافروں بشمول مردوں کو ان کے گھروں سے لے کر ان کی منزل مقصود پر پہنچاتی ہیں۔ اس دوران انہیں مردوں کی جانب سے کسی بھی قسم کی ہراسمنٹ کا سامنا نہیں کرنا پڑا۔
ان کے مطابق انہیں عوام کی جانب سے نہایت حوصلہ افزا ردعمل موصول ہوا ہے جو ان کے اس انقلابی اور زندگی کی گزر اوقات کے لیے اٹھائے جانے والے قدم پر سراہتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
