ابوظہبی : بیوی نے شوہر سے چھٹکارے کیلئے نیا طریقہ دھونڈ نکالا، سوئے ہوئے شوہر کے موبائل فون سے خود کو طلاق بھیج دی۔
تفصیلات کے مطابق ابوظہبی کی رہائشی خاتون نے شوہر کی نیند کا بھرپور فائدہ اٹھایا، گھریلو جھگڑوں سے پریشان بیوی نے تنگ آکر شوہر کے فون سے اپنے فون پر تین بار طلاق کا میسج لکھ بھیجا۔
- Advertisement -
خاتون نے اس پر ہی بس نہ کیا اور بعد ازاں طلاق کا میسج لے کرعدالت بھی پہنچ گئی، سماعت کے دوران شوہرنے جج کو بتایا کہ یہ پیغام اس نے نہیں بھیجا، جس پر جرح کے بعد خاتون نے بھی مان لیا کہ یہ ایس ایم ایس اس نے خود ہی کیا تھا۔
