کراچی : نااہل وزیراعظم نوازشریف دو روزہ دورے پرکراچی پہنچ گئے، ایئرپورٹ پرمسلم لیگ ن کے کارکنان کی بڑی تعداد نے ان کا استقبال کیا۔
تفصیلات کے مطابق مسلم لیگ ن کے صدر نا اہل وزیراعظم نوازشریف چارٹرڈ طیارے کے ذریعے دو روزہ دورے پر کراچی پہنچ گئے۔
گورنر سندھ محمد زبیر نے سابق وزیراعظم نوازشریف کا اولڈ ٹرمینل پراستقبال کیا۔
مسلم لیگ ن کے صدر نے نجی ہوٹل میں پارٹی کا اجلاس طلب کررکھا ہے جس میں انتخابات سے قبل پارٹی کو منظم کرنے پرمشاورت کی جائے گی۔
نوازشریف آج کراچی کے تاجروں سے ملاقات کریں گے اور2 جنوری کو نجی ہوٹل میں سیمینار سے خطاب کریں گے جس کا عنوان ’جمہوریت کا مستقبل‘ ہے۔
مسلم لیگ فنکشنل کے سربراہ نے نوازشریف سے ملنے سے معذرت کرلی
یاد رہے کہ دو روز قبل سابق وزیر اعظم میاں نواز شریف نے مسلم لیگ فنکشنل کے سربراہ پیر پگارا سے ملاقات کے لیے رابطہ کیا تھا، مگر حروں کے روحانی پیشوا نے ملاقات سے معذرت کرلی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
