ابوظہبی : بھارتی وزیراعظم نریندر مودی نے ابوظہبی میں پہلے مندر کا سنگ بنیاد رکھ دیا، مندر دو ہزار بیس میں مکمل ہوگا۔
تفصیلات کے مطابق بھارتی وزیراعظم نریندر مودی نے اتوار کو متحدہ عرب امارات پہنچے اور یو اے ای کے دارالحکومت ابوظہبی میں پہلے مندر کا سنگ بنیاد رکھ دیا، ابوظہبی کا یہ پہلا مندر 2020 میں مکمل ہوگا۔
مندر کا افتتاح کرتے ہوئے مودی کا کہنا تھا کہ اس سے خلیج کی مسلم اقوام کے ساتھ رواداری کو فروغ دینے میں مدد ملے گی، بھارت مایوسی کے دور سے نکل چکا ہے اور اس سے اب یقین ہو گیا ہے کہ چیزیں تبدیل ہوجائیں گی۔
مندر کے لیے زمین ابو ظہبی کے ولی عہد محمد بن زید النیہان نے عطیہ کی ہے۔
بھارتی وزیراعظم نے بھی ٹوئٹر پر ایک ویڈیو شیئر کرتے ہوئے ابوظہبی کے ولی عہد محمد بن زید النیہان کا مندر کے لیے زمین عطیہ کرنے پر شکریہ ادا کیا۔
It was a special moment to witness the groundbreaking ceremony for the first Hindu temple in Abu Dhabi. I thank HH Mohamed bin Zayed Al Nahyan for the remarkable gesture of donating land for the temple. @MohamedBinZayed pic.twitter.com/tNOMjH2A4t
— Narendra Modi (@narendramodi) February 11, 2018
خیال رہے کہ یہ مشر ق وسطیٰ میں بھی پہلا ہندو مندر ہوگا۔
اس سے قبل بھارتی وزیر اعظم نریندر مودی اور متحدہ عرب امارات کے شہزادے شیخ محمد بن زید النیہان کے ساتھ ملاقات میں پچہتر بلین ڈالر کی سرمایہ کاری پر معاہدے کیے۔
خلیج میں نو ملین بھارتی ہر سال پینتیس بلین ڈالر زرمبادلہ کی شکل میں بھیجتے ہیں۔
بھارتی وزیر اعظم نریندر مودی اور ابو ظہبی کے شہزادےکی جانب سے مزید سرمایہ کاری بڑھانے پر اتفاق ہوا، ملاقات میں نریندر مودی کو شہزادے کی جانب سے مندر کے تحفے بھی پیش کئے گئے۔
خیال رہے کہ 2015 میں نریندر مودی کے دورے پر امارتی حکومت نے ابوظہبی کی تاریخ میں بننے والے پہلے ہندو مندر بنانے کی منظوری دی تھی۔