بنکاک: تھائی لینڈ میں آوارہ کتوں کو کام پر لگا دیا گیا۔ اسمارٹ جیکٹ پہنے یہ کتے اب گلی محلوں کی چوکیداری کریں گے۔
تھائی لینڈ کے آوارہ کتے اب کام پر لگ گئے۔ انتظامیہ نے آوارہ کتوں کو معاشرے کا کارآمد حصہ بنانے پر کام شروع کردیا۔
ان کتوں کو اسمارٹ جیکٹ پہنا دی گئی ہے جس میں وائی فائی، خفیہ کیمرہ، پارکنگ الارم اور ری چارج ایبل بیٹری نصب ہے۔
اگر کسی علاقے میں چور گھس جائیں تو یہ ان پر بھونکنا شروع کردیتے ہیں جس کے باعث علاقے کے لوگوں کو موبائل پر الرٹ مل جاتا ہے۔
صرف یہی نہیں اگر کہیں آگ لگ جائے یا کوئی خطرہ ہو تو یہ کتے فوراً خبردار کر دیتے ہیں۔
انتظامیہ کا کہنا ہے کہ اس پروجیکٹ کے ذریعے نہ صرف آوارہ کتے کارآمد بن جائیں گے بلکہ شہریوں کے لیے بھی یہ مفید ثابت ہوں گے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
