اسلام آباد : سپریم کورٹ نے تحریک انصاف کے ایم پی اے عبدالمنعم کو نااہل قراردیا، عبدالمنعم وزیراعلیٰ پرویزخٹک کے مشیربھی رہ چکے ہیں۔

تفصیلات کے مطابق خیبرپختونخوا کے رکن اسمبلی عبدالمنعم کیخلاف انتخابی عذر داری کیس کی سماعت ہوئی، جسٹس شیخ عظمت سعید کی سربراہی میں تین رکنی بینچ نے کی، سماعت میں کے پی ایم پی اے عبدالمنعم انتخابی عذر داری کا فیصلہ سنادیا۔

سپریم کورٹ نے پی ٹی آئی کےعبدالمنعم کونااہل قرار دے دیا اور الیکشن کمیشن کو حکم دیا کہ فوری طور پر عبدالمنعم خان کو ڈی نوٹیفائی کرے۔

خیال رہے کہ عبدالمنعم پر کے پی میں محکمہ تعلیم کے گھوسٹ ملازم ہونے کا الزام تھا، عبدالمنعم پی کے 88 شانگلہ سے رکن صوبائی اسمبلی منتخب ہوئے تھے اور وزیراعلیٰ کےپی کے مشیربھی رہے۔

ن لیگ کے شیر عالم نے اہلیت سپریم کورٹ میں چیلنج کی تھی۔

نااہلی کے خلاف نظرثانی کی درخواست دائر کروں گا،عبدالمنعم

نااہلی کے بعد یم پی اےخیبرپختونخوا عبدالمنعم نے میڈیا سے گفتگو کرتے ہوئے کہا کہ نااہلی کے خلاف نظرثانی کی درخواست دائر کروں گا، میرا دل کو اطمینان ہے اللہ سچ جانتا ہے۔

یاد رہے گذشتہ سال اپریل میں  الیکشن کمیشن نے پی ٹی آئی کے رکن صوبائی اسمبلی عبدالمنعم کو نا اہل قرار دیا تھا، عبدالمنعم پر یہ الزام تھا کہ وہ انتخابات سے ایک ماہ قبل تک سرکاری عہدے پر فائز رہے۔

جس کے بعد پشاور ہائیکورٹ نے پاکستان تحریک انصاف کے رکن صوبائی اسمبلی عبدالمنعم  کی نا اہلی کا نوٹی فیکشن معطل قرار دیدیا تھا۔

.خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں