اسلام آباد: زینب قتل کیس میں ٹی وی اینکرڈاکٹرشاہد مسعود کےالزامات کی تحقیقات کرنے والی جے آئی ٹی نے اپنی رپورٹ میں اینکر کے الزامات کو بے بنیاد قرار دے دیا۔
تفصیلات کے مطابق زینب قتل کیس میں ڈاکٹرشاہد مسعود کے الزامات کی تحقیقات کرنے والی جے آئی ٹی نے اپنی رپورٹ سپریم کورٹ میں جمع کرادی جس میں میں اینکر کے 18 الزامات کو مسترد کردیا گیا۔
رپورٹ میں اینکر کا زینب قتل کیس میں سیاسی وابستگی کا الزام ثابت نہ ہوسکا، مجرم کو بیرون ملک سے رقم ملنے کے ثبوت نہیں ملے۔
سپریم کورٹ میں جمع کرائی گئی رپورٹ میں کہا گیا ہے کہ مجرم کے 37 بینک اکاؤنٹس ثابت نہ ہوسکے اور اس کا کوئی سراغ نہیں ملا۔
رپورٹ میں مزید کہا گیا ہے کہ مجرم عمران کا عالمی مافیا سے لنک کا کوئی ثبوت نہیں ملا اورقصور میں چائلڈ پورنوگرافی گینگ سے تعلق کا الزام بھی بے بنیاد ہے۔
خیال رہے کہ اینکر شاہد مسعود کی جانب سے انکشاف کیا گیا تھا کہ زینب قتل کیس کے ملزم عمران 37 بینک اکاؤنٹس ہیں اور وہ عالمی گروہ کا کارندہ ہے۔
سپریم کورٹ: شاہد مسعود کے دعوے پر کمیٹی کی تشکیل کا حکم نامہ جاری
بعدازاں سپریم کورٹ نے اینکر شاہد مسعود کے الزمات کی تحقیقات کے لیے کمیٹی تشکیل کا حکم نامہ جاری کیا تھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
