لاہور: سپریم کورٹ لاہور رجسٹری نے کھانوں میں شامل کیے جانے والے جز اجینو موتو یعنی چائینز سالٹ (نمک) کی فروخت پر پابندی عائد کردی۔
تفصیلات کے مطابق سپریم کورٹ لاہور رجسٹری میں اجینو موتو کے خلاف از خود نوٹس کیس کی سماعت ہوئی۔
دوران سماعت چیف جسٹس میاں ثاقب نثار کا کہنا تھا کہ اجینو موتو صحت کے لیے نقصان دہ ہے۔
ماہرین کا کہنا ہے کہ اجینو موتو میں موجود مونو سوڈیم گلومیٹ سر درد، دل کی دھڑکن کے مسائل، دماغی اور بیماریوں کا سبب بن سکتا ہے۔
یاد رہے کہ اس سے قبل پنجاب فوڈ اتھارٹی اور محکمہ داخلہ سندھ نے بھی اجینو موتو کی فروخت پر پابندی عائد کی تھی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
