نیویارک : پاکستان نے سب سے زیادہ خوش رہنے والے ممالک میں بھارت افغانستان، بنگلہ دیش کو پیچھے چھوڑتے ہوئے 75 ویں پوزیشن حاصل کرلی ہے۔
تفصیلات کے مطابق اقوام متحدہ نے عالمی خوشی کی رپورٹ2018 جاری کردی ، جس میں پاکستان دنیا کے سو خوش ممالک میں شامل ہیں جبکہ اس سال بھی یورپی ممالک سر فہرست رہے۔
انڈیکس کے مطابق دنیا میں سب سے زیادہ خوش ملک فن لینڈ ہے، دوسرا نمبرناروے کا ہے، ساتویں نمبر پرکینیڈا جبکہ امریکا4درجہ نیچے آکر18ویں نمبر پر آگیا۔
رپورٹ کے مطابق پاکستان جنوبی ایشیا کے بیشتر ممالک سے زیادہ خوش ہے، انڈیکس میں پاکستان کا نمبر پچھترواں ہے، پاکستان کی درجہ بندی میں 5درجے بہتری آئی ہے۔
چین کا نمبر 86واں ، بھارت133 ویں نمبر پر ہے ،اس سال بھارت کی11درجہ تنزلی ہوئی جبکہ بنگلہ دیش 115 ویں اور سری لنکا 166 ویں نمبر پرہے۔
رپورٹ کے مطابق اقوام متحدہ کا ادارہ اسسٹین ایبل ڈیولپمنٹ سلوشن ہر سال یہ انڈیکس جاری کرتا ہے اور دنیا کے 156ممالک میں سروے کرکے ڈیٹا مرتب کرتا ہے
اسسٹین ایبل ڈیولپمنٹ سلوشن نے ہیپی نیس انڈیکس کیلئے 6معیارات مقرر کئے ہیں، معیارات میں آمدنی ،اعتماد،صحت،سوشل سپورٹ اور سخاوت شامل ہیں۔
