ریاض: سربراہ پاک بحریہ ایڈمرل ظفر محمود نے دورہ سعودی عرب کے آخری مرحلے میں ویسٹرن فلیٹ کمانڈر سے ملاقات کی۔ ملاقات کے دوران باہمی دلچسپی کے امور پر تبادلہ خیال کیا گیا۔
تفصیلات کے مطابق سربراہ پاک بحریہ ایڈمرل ظفر محمود کا دورہ سعودی عرب جاری ہے۔ دورے کے آخری مرحلے میں انہوں نے ویسٹرن فلیٹ کمانڈر سے ملاقات کی۔
ترجمان پاک بحریہ کا کہنا ہے کہ ملاقات کے دوران باہمی دلچسپی کے امور پر تبادلہ خیال کیا گیا۔ ملاقات کے دوران ویسٹرن فلیٹ کمانڈر نے دونوں ممالک کی بحری افواج کے مضبوط تعلق کو سراہا۔
سربراہ پاک بحریہ نے ویسٹرن فلیٹ کمانڈ اینڈ کنٹرول سینٹر کا دورہ کیا جبکہ رائل سعودی نیول اسکول، رائل نیول فورسز ایوی ایشن سیٹ اپ کا بھی دورہ کیا۔
بعد ازاں ایڈمرل ظفر محمود نے رائل سعودی نیول فورسز کے جہاز ایچ ایم ایس مکہ کا دورہ کیا۔ ترجمان کا کہنا ہے کہ سربراہ پاک بحریہ نے جہاز کے عملے کی آپریشنل صلاحیتوں کو سراہا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
