راولپنڈی: آرمی چیف جنرل قمر جاوید باجوہ کی برونائی دارالسلام کے سلطان سے ملاقات، باہمی دفاعی تعاون، فوجی تعلقات پر تبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے برونائی دارالسلام کے سلطان سے ملاقات کی، ملاقات میں تربیتی امور، سیکیورٹی تعاون، دفاعی تعاون، فوجی تعلقات اور باہمی دلچسپی کے امور پر تبادلہ خیال کیا گیا۔
آئی ایس پی آر کے مطابق برونائی کی قیادت نے دہشت گردی کے خلاف جنگ میں دی جانے والی پاکستانی کی قربانیوں اور کامیابیوں کو سراہا۔
آرمی چیف قمر باجوہ نے برونائی کے نائب وزیر دفاع اور عسکری قیادت سے بھی ملاقات کی، ملاقات میں دفاعی تعاون اور فوجی تعلقات پر بات چیت کی گئی۔
مزید پڑھیں:آرمی چیف سرکاری دورے پر عمان پہنچ گئے، اہم ملاقاتیں
واضح رہے کہ 22 مارچ کو آرمی چیف قمر جاوید باجوہ دو روزہ سرکاری دورے پر عمان پہنچے تھے، جہاں انہوں نے عمانی وزیر دفاع اور مسلح افواج کے ملاقاتیں کیں اور دو طرفہ تعلقات پر تبادلہ خیال کیا گیا تھا۔
عمانی وزیر دفاع نے دہشت گردی کے خلاف جاری جنگ میں پاکستان کے کردار کی تعریف کی اور سپہ سالار کے اعزاز میں عمانی افواج کی جانب سے استقبالیہ دیا گیا تھا۔
