اسلام آباد: وفاقی وزیر داخلہ احسن اقبال نے کہا ہے کہ پاکستان میں سی پیک کی صورت میں اربوں ڈالر کی سرمایہ کاری ہورہی ہے، ملک کے عوام کوئی بھیڑ بکریاں نہیں، ووٹ کی طاقت کو ماننا پڑے گا۔
ان خیالات کا اظہار انہوں نے نارووال کے نواحی گاؤں میں جلسے سے خطاب کرتے ہوئے کیا، احسن اقبال کا کہنا تھا کہ ملک میں کون اندر ہو گا اور کون باہر یہ فیصلہ 20 کروڑ عوام عام انتخابات میں کریں گے، ہمارے ملک کے عوام ہندوستان اور بنگلادیش کے ووٹرز سےکم سمجھدار نہیں۔
نگراں سیٹ اپ پیپلزپارٹی اور اپوزیشن کا بہت بڑا امتحان ہے: احسن اقبال
انہوں نے کہا کہ پاکستان کے عوام کے فیصلے کو قبول کیا جائے تب ہی ملک ترقی کرسکتا ہے، ہم ملک کے لیے نیک نیتی سے کام کر رہے ہیں، مجھے کامیابی اللہ نے تعلیم سے دی، میرا سیاست کا مقصد صرف عوام کی خدمت کرنا ہے۔
وفاقی وزیر داخلہ کا کہنا تھا کہ ملک کو ایک سیاسی سمجھ بوجھ رکھنے والا شخص ہی چلا سکتا ہے اور وہ نوازشریف ہی ہیں جو ملک چلا سکتے ہیں، آئندہ 5 سال بھی مسلم لیگ کو ملے تو ترقی میں بھارت کو بھی پیچھے چھوڑ دیں گے۔
جمہوریت سے خائف الیکشن سے پہلے احتساب کا نعرہ لگاتے ہیں، احسن اقبال
احسن اقبال نے کہا کہ بیس کروڑ عوام کے وزیر اعظم کو اپیل کا کوئی حق نہیں ملا، انہیں نا اہل کر دیا گیا، ملک کو اناڑی اور کھلاڑی دنوں نہیں چلا سکتے۔
ان کا مزید کہنا تھا کہ ماضی میں ملک میں دہشت گردی کا راج تھا، ہر روز لاشیں گرتی تھیں، وفاقی حکومت نے فورسز کے ساتھ مل کر امن قائم کیا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
