برسلز: مستقل ٹیلی ویژن کے سامنے بیٹھے رہنے سے ناصرف صحت بلکہ بچوں کی ذہنی نشونما بھی متاثر ہوتی ہے جس کے پیش نظر بیلجئیم میں بچوں کے لیے نشر کیے جانے والے خصوصی پروگرامز بند کر دیے گئے۔
تفصیلات کے مطابق بیلجیئم حکام کی جانب سے اٹھایا گیا ایک انوکھا اقدام جس کے تحت بچوں کو باہر کھیلنے کی ترغیب دینے اور آگاہی فراہم کرنے کے لیے گذشتہ دنوں بچوں کے لیے نشر کیے جانے والے خصوصی ٹی وی شوز بند کر دیے گئے۔
حکومت کی جانب سے سال میں ایک دن ٹی وی چینلز پر بچوں کے نشریات بند کیے جاتے ہیں جس کا مقصد ان بچوں کو ارد گرد کے ماحول سے محبت اور باہر نکل کر کھیل کود کی ترغیب دینا ہے جو اپنے آپ کو گھر میں قید رکھتے ہیں، اور ہر وقت ٹی کے سامنے بیٹھ کر نشریات سے لطف اندوز ہوتے ہیں۔
ورزش کے مثبت اثرات آنے والی نسل میں بھی منتقل ہوسکتے ہیں: جدید تحقیق
اسی حوالے سے آگاہی فراہم کرنے کے لیے گذشتہ دنوں بیلجیئم میں بچوں کے خصوصی نشریات بند کر کے منایا گیا ’پلے آؤٹ ڈور ڈے‘ جہاں بچوں کے ساتھ ساتھ والدین بھی خوف لطف اندوز ہوئے۔
بچوں کی صفائی کے لیے ’وائپس‘ کا استعمال خطرناک قرار
اس دن کو منانے کے لئےحکومت کی جانب سے بڑے اقدامات کئے گئے اور مختلف شہروں میں کھیل کے میدان کو پر رونق بنایا گیا، جہاں بچوں نے مل کر خوب ہلا گلا کیا اور شاندار موقع سے خوب لطف انداز ہوئے، دوسری جانب والدین کی جانب سے بھی حکومتی سطح پر ایسے اقدام کو سراہا گیا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
