لاہور: وزیر ریلوے خواجہ سعد رفیق کا کہنا ہے کہ ہم اقربا پروری سے محفوظ نظام دے کر جا رہے ہیں۔ آئندہ نسلوں کو یہ کھینچا تانی اور رسہ کشی کا کھیل نہیں ملنا چاہیئے۔
تفصیلات کے مطابق وزیر ریلوے خواجہ سعد رفیق کا کہنا ہے کہ آج جن نئی دو کوچز کا افتتاح کیا کل سے ٹرینوں میں لگ جائیں گی۔ اسی رفتار سے کام کرتے رہے تو جلد بہتری آئے گی۔
سعد رفیق نے کہا کہ ریلوے میں کچھ نہیں کیا گیا، یہ کبھی بھی ترجیحات کا حصہ نہیں بنا۔ ’اب آہستہ آہستہ چیزیں بہتر ہو رہی ہیں۔ پاکستان 4 وفاقی اکائیوں پر مشتمل ہے یہاں رابطے کی بہت ضرورت ہے۔
انہوں نے کہا کہ اب بار بار بتانا پڑتا ہے ریلوے کس حال میں تھی اب کیا ہوگئی ہے۔ ’18 ارب کمائی تھی ساڑھے 30 ارب کا خسارہ تھا۔ آج آمدنی 50 ارب اور خسارہ 35 ارب ہے۔ پنشن اور تنخواہوں پر 68 ارب روپے خرچ ہو جاتے ہیں‘۔
ان کا کہنا تھا کہ کام دو چار سال میں نہیں ہوسکتا، یہ 65 سال کا نقصان ہے۔ دس بارہ سال کام کریں گے تو آمدن اور خسارے کو برابر کر دیں گے۔ ’ہم اقربا پروری سے محفوظ نظام دے کر جا رہے ہیں۔ آئندہ نسلوں کو یہ کھینچا تانی اور رسہ کشی کا کھیل نہیں ملنا چاہیئے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
