ریاض: سعودی حکومت نے اعلان کیا ہے کہ وہ 25 سرکاری اسکولوں کو نجی شعبے کے حوالے کررہی ہے تاکہ وہ انہیں چلائیں۔
سعودی میڈیا رپورٹس کے مطابق یہ بات کہی جارہی تھی کہ جب سعودی عرب میں نجکاری کے عمل کا آغاز ہوگا تو اس میں اسکول کا نمبر سب سے پہلا ہوگا اس منصوبے میں صحت، رہائش، نقل و حمل ودیگر منصوبے بھی شامل ہیں۔
سعودی حکومت کا کہنا ہے کہ نجکاری کے عمل سے مملکت کے خزانے پر آنے والا وہ دباؤ کم ہوگا جو تیل کی قیمتیں کم ہونے کے باعث متاثر ہوا ہے۔
سعودی عرب کے نئے فرماروا سعودی معیشت کو تبدیل کرکے اس کا تیل کا انحصار کم کرنا چاہتے ہیں کیونکہ آئندہ آنے والے وقت میں سرکاری نوکریوں کی ضمانت نہیں ہوگی۔
ماضی میں حکومت نے اسکولوں کے حوالے سے ایک اسٹرکچر بنا رکھا تھا جو مکمل طور پر حکومتی فنڈز پر چلتا تھا، تاہم 2014 میں عالمی منڈی میں تیل کی قیمتوں میں کمی سے سرکاری خزانے پر دباؤ آیا اور اس نے نجی سرمایہ کاروں کی تلاش شروع کردی۔
وزارت تعلیم نے جنوری میں مکہ اور جدہ کے 60 اسکولوں کے ڈیزائن، تعمیرات اور سہولیات کی بحالی کے لیے ٹینڈرز کا اعلان کیا تھا، سعودی عرب میں گھروں کی قیمتیں ایک بڑھتا ہوا شکوہ ہے جبکہ تعلیم اور صحت کے شعبوں کی بھی نجکاری عمل میں لائی جارہی ہے۔
سعودی عرب میں آنے والی تبدیلیوں میں خواتین کو ڈرائیونگ کی اجازت، ملک میں دہائیوں بعد سنیما کھولے جانے، ڈبلیو ڈبلیو ای ریسلنگ جدہ میں منعقد ہونا جیسے اقدامات شامل ہیں بلکہ خواتین نے اسٹیڈیم جاکر فٹ بال میچ اور ریسلنگ کے مقابلے بھی دیکھے۔
