لاہور : وزیراعلیٰ پنجاب شہباز شریف کا کہنا ہے کہ مقبوضہ کشمیردنیا میں دوزخ کی تصویرپیش کررہا ہے ،کشمیرجل رہاہےدنیا کب تک اس طرف توجہ نہیں دے گی، خاموش رہنے کی قیمت بھاری قیمت چکانامشکل ہے۔
تفصیلات کے مطابق وزیراعلیٰ پنجاب شہباز شریف نے سماجی رابطے کی ویب سائٹ ٹوئٹر پر مقبوضہ کشمیر میں بھارتی جارحیت کی مذمت کرتے ہوئے کہا کہ
قابض بھارتی فورسزکے مظالم نےانسانیت کوشرما دیا،شہبازمقبوضہ وادی کشمیر بھارتی مظالم کیخلاف سراپا احتجاج ہے، کشمیرجل رہا ہے دنیا کب تک اس طرف توجہ نہیں دے گی۔
The held Kashmir presents a picture of a living hell where humanity is shamed on daily basis by the Indian occupation forces with abandon. The whole valley is up in protest against the Indian brutalities… How long will the world continue to look the other way as Kashmir burns??
— Shehbaz Sharif (@CMShehbaz) May 7, 2018
شہباز شریف کا کہنا تھا کہ وقت آگیا ہے عالمی برادری کشمیریوں پربھارتی مظالم کیخلاف جاگے، کیا بھارت بنیادی حقوق کے لئے قربانیاں دینے والوں کو دباتا رہے گا؟ خاموش رہنے کی قیمت بھاری قیمت چکانا مشکل ہے۔
The held Kashmir presents a picture of a living hell where humanity is shamed on daily basis by the Indian occupation forces with abandon. The whole valley is up in protest against the Indian brutalities… How long will the world continue to look the other way as Kashmir burns??
— Shehbaz Sharif (@CMShehbaz) May 7, 2018
یاد رہے کہ ضلع شوپیاں کے علاقے بڈگام میں سرچ آپریشن کے دوران دس کشمیریوں کو شہید کردیا جبکہ گزشتہ 24 گھنٹوں کے دوران شہید افراد کی تعداد چودہ ہوگئی ہے، شہید ہونے والے افراد میں پروفیسر ڈاکٹر محمد رفیق بٹ، صدام احمد پدر، بلال احمد مہند، عادل ملک اور توصیف احمد شیخ شامل ہیں۔
دس کشمیریوں کی شہادت کے بعد مقبوضہ کشمیرمیں مکمل ہڑتال ہے، تعلیمی ادارے بند،سڑکیں ویران اورکاروباری مراکز پرتالے ہیں۔مختلف علاقوں میں غیراعلانیہ کرفیو ہے۔موبائل اورانڑنیٹ سروس بھی معطل ہے۔
کشمیریوں کی شہادت کے بعد علاقے میں کشیدگی بڑھ گئی، کشمیریوں کو احتجاج سے روکنے کیلئے قابض فورسز نے مظاہرین پر آنسو گیس کی شیلنگ کی اور پیلٹ گن کا استعما ل کیا جس سے متعدد افراد زخمی ہوگئے۔
