ننکانہ صاحب: صدر مسلم لیگ ن شہباز شریف نے کہا ہے کہ دھرنے دینے والوں نے خیبرپختونخواہ میں کچھ نہیں کیا، عمران خان نے خیبرپختونخواہ کا حلیہ بگاڑ دیا ہے.
تفصیلات کے مطابق ننکانہ صاحب میں تقریب سے خطاب کرتے ہوئے انھوںنے کہا کہ دھرنے دینے والوں نے ملک و قوم کا وقت برباد کیا. سول نافرمانی کرنے والوں نے قوم کا حلیہ بگاڑنے کی کوشش کی.
شہبازشریف کا کہنا تھا کہ دھرنے دینے والوں نے کوئی کام نہیں کئے، افراتفری پھیلانے والوں کو ترقی دیکھنی ہے تو پنجاب آئیں.
وزیراعلیٰ پنجاب شہبازشریف کا کہنا تھا کہ دوبارہ موقع ملا، تو جان لڑائیں گے اور قائداعظم کا پاکستان بنائیں گے، کراچی کو کچرا کردیا گیا، کے پی کے کا جنازہ نکال دیا گیا، جھوٹ بولا گیا، ترقی کے دعوے کیے گئے۔
ان کا کہنا تھا کہ 2018 میں ان سے ایک ایک پیسے کا حساب لیں گے، عوام آئندہ الیکشن میں بدعنوانی پھیلانے والوں کا محاسبہ کریں گے، آئندہ حکومت کاموقع ملا توملک میں ترقی کاانقلاب لائیں گے.
اس موقع پر انھوں نے کہا کہ پنجاب کےاسپتالوں کی بدلتی صورت حال کسی معجزے سے کم نہیں، ننکانہ صاحب ڈی ایچ کیو اسپتال میں ڈینٹل سرجری کا جدید نظام ہے، ننکانہ صاحب ڈی ایچ کیواسپتال میں سی ٹی اسکین مشین جلدنصب ہوگی، لیہ، رحیم یارخان اور اٹک تک یہ پنجاب کے اسپتالوں میں انقلاب ہے.
جھوٹ بولنا،غلط بیان اور گمراہ کرنا عمران خان کامعمول ہے، شہباز شریف
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
