لندن: برطانوی ماہرین نے گنج پن کی ایک ایسی دوا دریافت کر لی، جو درحقیقت کمزور ہڈیوں کے علاج کے لیے تیار کی گئی تھی.
برطانوی خبر رساں ادارے کے مطابق برطانیہ کی یونیورسٹی آف مانچسٹر کے ماہرین نے گنج پن کا ممکنہ علاج دریافت کر لیا، دل چسپ امر یہ ہے کہ مرض کا علاج ایک ایسی دوا میں دریافت کیا گیا، جو کمزور ہڈیوں کے علاج میں استعمال ہوتی ہے۔
محققین کے مطابق سائکلوسپورین اے میں جسم پر بالوں کی افزائش بڑھانے کی خواص پائے جاتے ہیں، دوا سے اس پروٹین کا راستہ بند ہوجاتا ہے، جو انسانی جسم میں بال اگنے کے خلیوں کی راہ میں مداخلت کرتا ہے۔
واضح رہے کہ اس وقت عالمی مارکیٹ میں گنج پن کی صرف دو ادویہ دستیاب ہیں، جن کے سائیڈ ایفیکٹس کی شکایات عام ہیں، بیش تر معاملات میں یہ زیادہ موثر ثابت نہیں ہوتیں، یہی وجہ ہے کہ دنیا بھر میں ہیئرٹرانسپلانٹ کا رجحان بڑھتا جارہا ہے.
تحقیق کے سربراہ ڈاکٹر ناتھن ہاکشا نے برطانوی خبر رساں ادارے کو بتایا کہ یہ دوا ان افراد کے لیے سودمند ہوسکتی ہے، جنھیں گنج پن کی بیماری ہے، البتہ اس کے لیے ابھی مزید تجربات ضروری ہیں، تاکہ اس بات کی تصدیق ہو سکے کہ یہ علاج مریضوں کے لیے موثر اور محفوظ ہے۔
گنجا دلہا نامنظور، دلہن کا عین وقت پر انکار
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
