ڈھاکہ: بنگلہ دیش میں رمضان المبارک کی مناسبت سے راشن کی تقسیم کے دوران بھگدڑ مچ گئی جس کے نتیجے میں 10 افراد جاں بحق اور 51 سے زائد زخمی ہوگئے۔
تفصیلات کے مطابق بنگلہ دیش کے شہر چٹاگانگ کے ایک نواحی گاؤں میں مخیر شخصیت کی جانب سے غربا کے درمیان راشن اور دیگر اشیاء تقسیم کیے جارہے تھے کہ اسی دوران بدنظمی دیکھنے میں آئی اور بھگدڑ مچنے سے دس افراد جاں بحق جبکہ پچاس سے زائد زخمی ہوگئے۔
مقامی میڈیا کا کہنا ہے کہ یہ انتہائی افسوس ناک وقعہ اس وقت پیش آیا کہ جب مسلمانوں کے مقدس مہینے رمضان کے آغاز سے قبل مقامی اسٹیل مل کا ایک مالک غریب دیہاتیوں میں راشن، کپڑے اور دیگر اشیاء تقسیم کر رہا تھا، اس حادثے میں کئی کی حالت تشویش ناک بتائی جاتی ہے۔
بنگلہ دیش: راشن کی تقسیم میں بھگڈر سے 20افراد جاں بحق
واقعے سے متعلق پولیس حکام کا کہنا تھا کہ راشن اور دیگر اشیاء وصول کرنے میں خواتین سمیت تقریباً دس ہزار لوگ موجود تھے، جلد بازی اور اشیاء پہلے وصول کرنے کے چکر میں بھگدڑ مچکی جس کے باعث ہلاکتیں سامنے آئیں، تاہم زخمیوں کو مقامی اسپتال میں طبی امداد فراہم کی جارہی ہے۔
ایکسپو سینٹر میں راشن کی تقسیم بد نظمی کا شکار،کئی خواتین زخمی
خیال رہے کہ 2013 میں رمضان المبارک کی آمد سے قبل کراچی میں فلاحی اداروں کی جانب سے راشن تقسیم کیا جارہا تھا کہ اچانک دھکم پیل ہوئی اور بھگدڑ مچ گئی جس کے نتیجے میں دو خواتین موقع پر ہی جاں بحق ہوگئی تھیں، واضح رہے کہ ماہ رمضان کا آغاز ہونے میں ایک دو روز ہی باقی رہ گئے ہیں۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
