اسلام آباد:سابق وزیراعظم نواز شریف کا کہنا ہے کہ اب سب کا حساب ہو گا،ہم سب کوحساب دینا ہوگا۔
تفصیلات کے مطابق سابق وزیراعظم نوازشریف سے کمرہ عدالت میں غیررسمی گفتگو میں صحافی نے سوال کیا کہ زرداری صاحب نے کہا میاں صاحب کو3سال کا حساب دینا ہوگا؟ جس کے جواب میں نواز شریف نے کہا کہ اب سب کا حساب ہوگا،ہم سب کو حساب دینا ہوگا۔
سابق وزیراعظم آج صحافیوں سے مختصر گفتگو کے بعد روانہ ہوگئے۔
اس سے قبل نوازشریف،مریم نواز اور کیپٹن ریٹائر صفدر دو دن ملنے کے باوجود ایک سو ستائیس سوالوں کے جواب نہ دے سکے، وکیل صفائی نے سوال سمجھ میں نہ آنے کا بہانہ بنا لیا۔ احتساب عدالت نے پیرکوملزمان کے بیان قلمبند کرنے کا آخری موقع دےدیا۔
مزید پڑھیں : نوازشریف 30 سال اسٹیبلشمنٹ کےکندھے پر سیاست کرتے رہے: آصف علی زرداری
یاد رہے گذشتہ روز پیپلزپارٹی لاہورڈویژن کی افطار پارٹی میں خطاب کرتے ہوئے آصف زرداری کا کہنا تھا کہ نوازشریف 30 سال اسٹیبلشمنٹ کے کندھے پر سیاست کرتے رہے۔
انھوں نے روایتی حریف کو آڑے ہاتھ لیتے ہوئے کہا کہ ان کوپاورکااتنا شوق ہے کہ اپنی دھرتی سےبھی وفاکوتیارنہیں ، پہلے آپ اپنی دکان بتائیں کہ یہ کہاں سے بنائی؟ پاکستان میں آپ کے بزرگ کیا لے کر آئے تھے اور اب آپ کیا ہیں، ہمارا مقصد لوگوں کو ان کی غلطیاں یاددلانا ہے۔
