روم : اسپین کے اسٹار ٹینس پلیئررافیل نڈال نے مینزسنگلزکے سیمی فائنل میں سابق عالمی نمبرایک سربیا کے نوواک جوکووچ کو شکست دے دی۔
تفصیلات کے مطابق اسپین کے اسٹار ٹینس پلیئررافیل نڈال نے اٹالین ٹینس میں فتوحات کا سلسلہ برقرار رکھتے ہوئے سابق عالمی نمبرایک نوواک جوکووچ کو ہرا دیا۔
مینزسنگلزکے پہلے سیمی فائنل میں نڈال نے انتہائی شاندار کارکردگی کا مظاہرہ کرتے ہوئے سربیا کے نوواک جوکووچ کو اسٹریٹ سیٹ میں 7-6 اور6-3 سے شکست دے کرفائنل میں جگہ بنالی۔
راجر فیڈررایک بارپھرعالمی نمبرون ٹینس اسٹار بن گئے
خیال رہے کہ رواں ہفتےانٹرنیشنل ٹینس فیڈریشن کی جانب سے جاری کی گئی رینکنگ میں سوئس ٹینس اسٹار راجر فیڈرر نے اپنے حریف رافیل نڈال کو پہلی پوزیشن سے محروم کرکے ایک بار پھرعالمی نمبر ایک بننے کا اعزاز حاصل کرلیا تھا۔
یاد رہے کہ گزشتہ سال اٹالین اوپن کے فائنل میں نوواک جوکووچ کو جرمنی کے کھلاڑی الیگزینڈر زیوریف نے شکست دے کر چیمپیئن بننے کا اعزاز حاصل کیا تھا۔
جرمن کھلاڑی نے اس وقت کے عالمی نمبر2 جوکووچ کواٹالین اوپن کے فائنل میں 4-6 اور3-6 سے شکست دے کر ٹائٹل اپنے نام کرلیا تھا۔
واضح رہے کہ سابق عالمی نمبر ایک سربیا کے نوواک جوکووچ 6 درجے تنزلی کے بعد 18 ویں نمبر پرچلے گئے جو ان کی 2006 کے بعد سے سب سے بدترین رینکنگ ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
