پاکپتن : صوبہ پنجاب کے شہر پاکپتن میں گھرکی بوسیدہ دیوار گرنے کے نتیجے میں دو بچیاں جاں بحق ہوگئیں۔
تفصیلات کے مطابق پنجاب میں پاکپتن کے نواحی گائوں ٹبہ سہیل میں نو سالہ آمنہ اور دس سالہ جمیلہ گلی میں کھیل رہی تھیں کہ ساتھ کھڑی بوسیدہ دیوار اچانک گر گئی۔
حادثے کے نتیجے میں دیوار کے ملبے تلے آکر آمنہ بی بی اور جمیلہ بی بی جان کی بازی ہار گئیں۔
واقعے کی اطلاع پر ریسکیو 1122 کے اہلکار موقع پر پہنچ گئے جنہوں نے بچیوں کی نعشوں کو ملبے سے باہر نکال کر ورثاء کے حوالے کر دیا۔
لاہور: کاسمو کلب کی چھت گرنےسے3 افراد جاں بحق
خیال رہے کہ گزشتہ ماہ 28 اپریل کو صوبہ پنجاب کے دارالحکومت لاہور میں جناع باغ کاسمو کلب کی چھت گرنے سے 3 افراد جاں بحق جبکہ دو افراد زخمی ہوگئے تھے۔
مکان کی چھت گرنے سے دو بچوں سمیت چھ افراد جاں بحق
یاد رہے کہ رواں سال 6 جنوری کو لاہور کے علاقے دہلی گیٹ میں بوسیدہ مکان کی چھت گرنے سے دو بچوں سمیت چھ افراد ملبے تلے دب کر جاں بحق ہوگئے تھے۔
ننکانہ صاحب میں گھرکی چھت گرنےسے4 بچےجاں بحق
واضح رہے کہ 12 دسمبر2017 کو ننکانہ صاحب میں مکان کی چھت گرنے سے تین بھائی اور ایک بہن سمیت 4 بچے جاں بحق جبکہ ماں اوربیٹی زخمی ہوگئیں تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
‘’
