کراچی: شہر قائد میں بڑھتی ہوئی گرمی اور کے الیکٹرک کی جانب سے گھنٹوں لوڈ شیڈنگ کے باعث شہری دوہری اذیت میں مبتلا ہیں۔
تفصیلات کے مطابق کے الیکٹرک نے ہٹ دھرمی کی انتہا کردی، کراچی میں سورج سوا نیزے پر ہے اور پارہ چالیس ڈگری سے بھی تجاوز کرچکا ہے مگر کے الیکٹرک کو روزے داروں پر اب بھی ترس نہ آیا، کراچی میں شدید گرمی کے باوجود گھنٹوں لوڈ شیڈنگ کا سلسلہ جاری ہے۔
شہر میں اعلانیہ اور غیر علانیہ لوڈشیڈنگ عروج پر ہے اور وقت بے وقت بجلی غائب رہتی ہے جس کے باعث شہری گرمی اور لوڈشیڈنگ سے بے حال نظر آتے ہیں علاوہ ازیں کے الیکٹرک کے دعوے محض دعوے ہی ثابت ہوئے ہیں۔
کراچی میں لوڈ شیڈنگ کا جن بے قابو، شہریوں کی زندگی اجیرن بن گئی
لوڈشیڈنگ میں کمی ہونا تو دور کی بات فالٹ کے نام پر غیر اعلانیہ لوڈ شیڈنگ نے زندگی عذاب بنا دی ہے، مکمل بلنگ والے علاقوں میں بھی کئی کئی گھنٹے بجلی غائب رہنے لگی ہے۔
ماہِ صیام کے باوجود شہریوں کو سحر و افطار میں بھی بجلی میسر نہیں ہے، دوسری جانب کے الیکٹرک کی ہٹ دھرمی یہ ہے کہ صارفین کے سوالوں کا جواب دینا بھی بند کردیا ہے۔
وزیر اعظم کے دعوے دھرے کے دھرے رہ گئے، کراچی میں لوڈ شیڈنگ عروج پر
خیال رہے کہ گذشتہ دنوں لوڈ شیڈنگ اور بجلی کی عدم فراہمی کے خلاف کراچی کے مختلف علاقوں میں احتجاج کیا گیا تھا اور ٹائر جلا کر سڑک کو ٹریفک کے لیے بند بھی کر دیا گیا تھا البتہ احتجاج بھی بے سود ثابت ہوا بجلی کی آنکھ مچولی اب بھی جاری ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
