ریاض : سعودی فرمانروا شاہ سلمان بن عبدلعزیزنےاپنی کابینہ میں ردوبدل کرتے ہوئے ڈاکٹر بندربن عبید الرشیدولی عہد کا سیکرٹری اور ڈاکٹر ناصر بن عبدالعزیز کو ملک کا نیا نائب وزیر داخلہ مقرر کردیا۔
تفصیلات کے مطابق سعودی فرمانروا کی جانب سے نئے شاہی فرمان جاری کیا، جس کے تحت کابینہ میں رد وبدل بھی کیا گیا ہے، ڈاکٹر بندربن عبید الرشید ولی عہد کے سیکرٹری مقرر کردیا گیا۔
شاہی فرمان کے مطابق ڈاکٹرناصر بن عبدالعزیز کو ملک کے نئے نائب وزیر داخلہ اور الشیخ صالح آل الشیخ کو وزیر مملکت کا عہدہ سونپا گیا جبکہ ڈاکٹر عبد اللہ بن سالم کو مجلس شوریٰ کا نائب سربراہ مقرر کر دیا گیا ہے۔
عبداللطیف بن عبدالعزیز وزیر اسلامی امور و دعوت ارشاد ، وزیر محنت کے لیے انجینئراحمدبن سلمان الراجی جب کہ حیثم العوہلی کو ٹیلی کمیونیکشن کا نائب وزیر لگایا گیا ہے۔
احمد بن محمد بن علی الثقفی کو اسٹیٹ سکیورٹی کا مشیر اور شہزادہ بدربن عبداللہ آل سعود وزیرثقافت مقررکردیا گیا ہے۔
ٹرانسپورٹ کے نائب وزیر انجینیر سعد بن عبدالعزیزالخلب کو بھی ان کے عہدے سے ہٹا دیا گیا اور ان کی جگہ انجینیر بدر بن عبداللہ بن مھنا الدلامی کو یہ عہدہ سونپا گیا۔
فرامین میں وزیر محنت وسماجی فروغ ڈاکٹر علی الغفیص کو سبکدوش کرتے ہوئے ان کی جگہ انجینئر احمد بن سلمان الراجحی کو نیا وزیر محنت وسماجی فروغ مقرر کیا گیا ہے۔
