اسلام آباد: سپریم کورٹ کے حکم پر نیا پیمرا آرڈیننس جاری کر دیا گیا، جس کے تحت وفاقی حکومت کی مداخلت کے اختیارات کم کر دیے گئے ہیں.
تفصیلات کے مطابق میڈیا کمیشن کیس میں اہم پیش رفت ہوئی ہے، عدالت عالیہ کے حکم پر جاری ہونے والے نئے پیمرا آرڈیننس نے وفاقی حکومت کے اختیارات کم کر دیے.
نگران حکومت نے اختیار سنبھالنے کے بعد آرڈیننس میں یہ اہم ترمیم کی اور صدرمملکت کی جانب سے نیا پیمرا آرڈیننس جاری کیا گیا.
ترمیم کے بعد پیمرا وفاقی حکومت کے کہنے پر براہ راست چینل کی نشریات بند نہیں کرسکتا، نیز پیمرا ممبران کی تعداد 11 سے کم کرکے 8 کردی گئی ہے. پیمرا میں 8 میں سے 5 غیرسرکاری اور 3 سرکاری ممبر شامل ہوں گے.
سپریم کورٹ کے حکم پرجاری ہونے والے اس نئے پیمرا آرڈیننس کو صحافتی تنظیموں اور تجزیہ کاروں کی جانب سے خوش آئند قرار دیا جارہا ہے. ترمیم کے بعد وفاقی حکومت کے اختیارات کم ہوجائیں گے.
یاد رہے کہ گذشہ ماہ کے آخری میں ن لیگ کی حکومت نے جاتے جاتے مرزا سلیم بیگ کو پاکستان الیکٹرانک میڈیا ریگولیٹری اتھارٹی (پیمرا) کا چیئرمین تعینات کیا تھا۔
مرزا سلیم بیگ چیئرمین پیمرا تعینات، وزیر اعظم نے منظوری دے دی
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
