کراچی : محکمہ موسمیات نے خبردار کیا ہے کہ بھارت میں بارشوں سے تباہی پھیلانے والا مون سون طوفانی سسٹم پاکستان کی طرف بڑھ رہا ہے، جس کے باعث شدید بارشوں کا امکان ہے۔
تفصیلات کے مطابق ملک بھر میں نیا بارشوں کا سلسلہ دس جولائی سے تیرہ جولائی تک پھر تئیس سے چھبیس جولائی سے شروع ہوگا، جس سے صوبہ سندھ بلخصوص کراچی، حیدرآباد، میرپورخاص، بدین میں بارشوں کا امکان ہے۔
محکمہ موسمیات کے مطابق بارشوں کا نظام بھارت میں تباہی مچانے کے بعد چند روز میں پاکستان میں جنوبی سندھ میں داخل ہوجائے گا، بارشوں کا یہ نظام تھر، مٹھی، عمرکوٹ، سانگھڑ، میرپورخاص، حیدرآباد، بدین، ٹھٹھہ اورساحلی علاقوں سے ہوتا ہوادس جولائی کو کراچی میں داخل ہوگا۔
محکمہ موسمیات کا کہنا ہے کہ بھارت سے آنے والا مون سون بارشوں کا نظام کراچی میں آندھی اورطوفانی بارشں کاباعث بن سکتا ہے۔
دوسری جانب بھارت کے علاقے گجرات اور راجھستان سے ہیوی اسٹرونگ سسٹم پاکستان میں داخل ہوجائے گا اور جنوب اور سینٹرل بلوچستان سے ہوتا ہوا لاڑکانہ ڈویژن اور دادو کے طرف رخ بڑھے گا۔
ہیوی اسٹرونگ سسٹم تئیس جولائی سے چھبیس جولائی تک سندھ بھر میں لگاتار تین روز تک شدید بارش کرے گا، پچیس جولائی تک سندھ کے ساحلی علاقے اس کی شدید لپیٹ میں ہوں گے، یہ مون سون کا پانچواں اسٹرونگ سسٹم ہوگا۔
یاد رہے راولپنڈی سمیت پنجاب کے مختلف علاقوں میں پھر بارشیں شروع ہوگئی ہیں، بارش کے باعث ہلاکتوں کی تعداد 15 تک جا پہنچی ہے جبکہ لاہور میں تاحال کہیں سڑکوں پر پانی جمع ہے تو کہیں گڑھے بن گئے ہیں۔
محکمہ موسمیات نے آئندہ چوبیس گھنٹوں کراچی میں مطلع جزور طور پر ابرآلود رہنے ،جبکہ گلگت بلتستان میں چند مقامات پر تیز ہواؤں اور گرج چمک کیساتھ بارش کی پیشگوئی کی ہے، ملک دیگرعلاقوں میں آج موسم گرم اور مرطوب رہے گا، گزشتہ روز سب سے زیادہ درجہ حرارت سبی میں چوالیس ڈگری سینٹی گریڈ رہا۔
