لندن: سابق وزیر اعظم میاں نواز شریف کی صاحب زادی مریم نواز نے وطن واپسی کا اعلان کر دیا.
تفصیلات کے مطابق ایون فیلڈ فیصلے میں مجموعی طور پر آٹھ سال کی سزا پانے والی مریم نواز جمعے کو اپنے والد کے ساتھ وطن واپس آئیں گی.
مریم نواز نے اپنے ایک بیان میں کہا ہے کہ نوازشریف پرکرپشن اور منی لانڈرنگ کاکوئی ثبوت نہیں ملا، نوازشریف کا احتساب پرویز مشرف کے دورسے شروع ہوا، خوف زدہ نہیں، جمعہ کووطن واپس آئیں گے.
یاد رہے کہ گذشتہ روز احتساب عدالت کے جج محمد بشیر نے فیصلہ سناتے ہوئے نواز شریف کو مجموعی طور پر گیارہ، مریم نواز کو آٹھ اور کیپٹن صفدر کو ایک سال قید کی سزا سنائی تھی. ساتھ ہی مجرموں پر احتساب عدالت کی جانب سے بھاری جرمانے عاید کیے گئے ہیں.
فیصلے کے بعد میاں نواز شریف نے لندن میں پریس کانفرنس کرتے ہوئے فیصلے کو شدید تنقید کا نشانہ بنایا تھا اور کلثوم نواز کے ہوش میں آنے کے بعد پاکستان لوٹنے کا اعلان کیا تھا.
ادھر نیب ذرایع نے یہ دعویٰ کیا تھا کہ مجرموں کو گرفتار کرنے کی تیاری مکمل کی جاچکی ہے، انھیں ایئرپورٹ پر اترتے ہی گرفتار کر لیا جائے گا۔
نواز، مریم اورصفدر کی سزا کے خلاف اپیلیں تیار، فیصلہ اسلام آباد ہائی کورٹ میں چیلنج کیا جائے گا
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
