کراچی : رینجرز اہلکاروں نے بلدیہ ٹاؤن میں کامیاب کارروائی کرتے ہوئے کروڑوں مالیت کا گٹکا، چھالیہ، سگریٹ اور ادویات سمیت دیگر اسمگلنگ کا سامان برآمد کرلیا۔
تفصیلات کے مطابق رینجرز نے کراچی کے علاقے بلدیہ ٹاؤن میں بس ٹرمینل یوسف گوٹھ پر چھاپہ مارا، کارروائی کے دوران بڑی تعداد میں گٹکا، چھالیہ، سگریٹ، ٹائرز، غیرملکی ادویات برآمد کرلی گئیں۔
رینجرز اہلکاروں نے چار کروڑمالیت کا66ٹن گٹکا،200ٹن چھالیہ اور200کارٹن سگریٹ اپنی تحویل میں لے لیے، بعد ازاں برآمد کیا جانے والا گٹکا، چھالیہ ودیگرسامان کسٹم حکام کے حوالے کردیا گیا ہے۔
مزید پڑھیں: کراچی، رینجرز کی مختلف علاقوں میں کارروائی، 7 ملزمان گرفتار، اسلحہ برآمد
اس حوالے سے ترجمان رینجرز کا کہنا ہے کہ مذکورہ 66ٹن گٹکا افغانستان سے براستہ بلوچستان کراچی لایا جارہا تھا، رینجرز نے12جون کو ماڑی پور روڈ سے5ہزار کلو گٹکا اسمگل کرنے کی کوشش ناکام بنائی تھی ، اورتفتیش کا دائرہ وسیع کرتے ہوئے بلدیہ ٹاؤن میں کارروائی کی گئی۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔
