پیرس: فرانسیسی صدر ایمانویل میکرون نے مظاہرے میں شریک شخص پر تشدد کرنے والے اپنے ذاتی محافظ کو برطرف کردیا۔
غیر ملکی خبر رساں ادارے کے مطابق فرانسیسی صدر ایمانویل میکرون نے اپنے ذاتی محافظ کو برطرف کردیا جس نے یکم مئی کو احتجاجی مظاہرے کے دوران ایک شخص کو زدوکوب کیا تھا۔
احتجاج میں شریک شخص کو مارنے پر مذکورہ ذاتی محافظ کو مختصر مدت کے لیے کام سے روک دیا گیا تھا اس انکشاف کے بعد فرانسیسی صدر کو کڑی تنقید کا نشانہ بنایا جارہا تھا۔
Voilà ce qu’il se passe quand on manifeste en 2018. J’ai été gazé pour empêcher de filmer la suite #1erMai #QuartierLatin #ViolencesPolicières pic.twitter.com/PvtJhX5Ay9
— Nicolas Lescaut (@NicolasLescaut) May 1, 2018
صدارتی محل کے ایک ذمہ دار نے میڈیا سے گفتگو کرتے ہوئے کہا کہ فرانسیسی صدر کو مذکورہ اہلکار کے تصرف کے حوالے سے نئے حقائق سے آگاہ کیا گیا، اس کے نتیجے میں ایوان صدارت نے الیگزینڈر پینالا کو برطرف کرنے کے اقدامات کا آغاز کیا۔
واضح رہے کہ میکرون کا ذاتی محافظ یکم مئی کو مظاہرے میں شریک ایک خاتون کو گھسیٹ کر دور لے جاتا ہوا دکھائی دیا، اس کے بعد الیگزینڈر نے مظاہرے میں شریک ایک شخص کو زدوکوب بھی کیا۔
فرانس میں حزب اختلاف کے رہنماؤں نے فرانسیسی صدر ایمانویل میکرون کو تنقید کا نشانہ بنایا کیونکہ انہوں نے واقعے کے بعد فوری طور پر ذمہ دار اہلکار کو برطرف نہیں کیا اور خاموشی اختیار کی۔