19.8 C
Ashburn
بدھ, مئی 29, 2024
اشتہار

خون سفید ہوگیا، بیٹے نے باپ کو مکے مار کر قتل کردیا، ویڈیو وائرل

اشتہار

حیرت انگیز

بھارت میں تامل ناڈو پولیس نے حال ہی میں ایک شخص کو اس وقت گرفتار کیا جب سوشل میڈیا پر ا یک دردناک ویڈیو وائرل ہوئی جس میں دیکھا جاسکتا ہے کہ بیٹے نے جائیداد کے تنازع پر اپنے 63 سالہ باپ پر وحشیانہ حملہ کرکے قتل کردیا۔

غیر ملکی ذرائع ابلاع کے مطابق یہ حملہ کرشنا پورم میں 16 فروری کو ہوا، جب 40 سالہ سنتوش نے اپنے والد پر گھونسوں کی برسات کردی۔ جس سے ان کی موت واقع ہوگئی۔

سوشل میڈیا پر وائرل ہونے والی سی سی ٹی وی فوٹیج میں د یکھا جاسکتا ہے کہ سنتوش کے والد ایک بینچ پر بیٹھے ہوئے ہیں اتنے میں انکا بیٹا وہاں پہنچتا ہے اور ان پر مکوں سے حملہ کردیتا ہے۔

- Advertisement -

حملہ اتنا شدید ہوتا ہے کہ سنتوش کے والد کو سنبھلنے کا موقع بھی نہیں ملتا اور بدبخت بیٹے کے حملے کے بعد ان کے والد بینچ پر گر کر بیہوش ہوجاتے ہیں۔

اتنے میں ایک شخص وہاں پہنچتا ہے اور سنتوش کو وہاں سے لے جاتا ہے، اسی دوران وہ ان پر دوبارہ حملہ کرنے کے لئے آتا ہے۔

بیٹے کے حملے میں شدید زخمی ہونے والے شخص کا انتقال 18اپریل کو ہو گیا، جس کے بعد ان کے خاندان نے سنتوش کے خلاف پولیس کو شکایت درج کرائی۔

پولیس نے مقدمہ درج کرکے ملزم سنتوش کو حراست میں لے لیا، جبکہ ملزم مختلف دفعات کے تحت مقدمات درج کئے گئے ہیں۔

دہلی میں نابالغ بچی زیادتی کا نشانہ بن گئی

مذکورہ ویڈیو وائرل ہونے کے بعد سوشل میڈیا صارفین کی جانب سے ملزم کو سخت سے سخت سزا دینے کا مطالبہ سامنے آرہا ہے۔

Comments

اہم ترین

مزید خبریں