اسلام آباد: برطانوی ہائی کمشنرتھامس ڈریو نے آج بنی گالا میں عمران خان سے خصوصی ملاقات کی.
تفصیلات کے مطابق برطانوی ہائی کمشنر کی پی ٹی آئی چیئرمین سے ملاقات ہوئی، جس میں الیکشن میں کامیابی پر عمران خان کو مبارک باد دی گئی.
برطانوی ہائی کمشنرتھامس ڈریو نے نئی حکومت کے لئے نیک تمناؤں کا اظہار کیا.
ان کا کہنا تھا کہ عمران خان کے خطاب نے برطانیہ میں مثبت اثرات چھوڑے ہیں، برطانیہ پاکستان سے مکمل تعاون کے لئے تیار ہے.
تھامس ڈریو کا کہنا تھا کہ تعلیم سے محروم 22 لاکھ بچوں کو اسکول بھجوانے کے لئے مدد کریں گے، پی ٹی آئی حکومت کے ساتھ مل کردیگر شعبوں میں تعاون کے لئے تیار ہیں.
اس موقع پرعمران خان نے مبارک باد اور نیک تمناؤں کے اظہار پر برطانوی حکومت کا شکریہ کرتے ہوئے اپنے ممکنہ منصوبوں سے برطانوی حکومت کو آگاہ کیا.
عمران خان نے کہا کہ منی لانڈرنگ سے برطانیہ منتقل کی گئی دولت کی وطن واپسی میراعزم ہے.
پی ٹی آئی چیئرمین کا کہنا تھا کہ پاک برطانیہ تعلقات نہایت اہمیت کے حامل ہیں، پاکستانیوں کی ایک بڑی تعدادبرطانیہ میں مقیم ہے.
ترک صدر کا عمران خان کو فون، جیت پر مبارک باد
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
