دبئی : بھارتی کرکٹ ٹیم کے کپتان ویرات کوہلی آئی سی سی کی نئی ٹیسٹ رینکنگ کے مطابق بلے بازوں کی فہرست میں پہلے نمبر پرآگئے۔
تفصیلات کے مطابق انگلینڈ کے خلاف پہلے ٹیسٹ میچ کی پہلی اننگز میں 149 اور دوسری اننگزمیں 51 رنز بنانے والے بھارتی کپتان ویران کوہلی نےاسٹیواسمتھ سے پہلی پوزیشن چھین لی۔
ویرات کوہلی سچن ٹنڈولکر کے بعد آئی سی سی ٹیسٹ رینکنگ میں نمبرون پوزیشن پرآنے والے دوسرے بھارتی بیٹسمین ہیں۔
KOHLI IS NO.1@imVkohli has overtaken Steve Smith to become the new No.1 batsman in @MRFWorldwide ICC Test Rankings.
He is the first Indian since @sachin_rt to get there.
READ ⬇️https://t.co/Hw7OCimIKw pic.twitter.com/s8h4fNmJYK
— ICC (@ICC) August 5, 2018
آسٹریلوی کھلاڑی اسٹیواسمتھ 32 ماہ تک بلے بازوں کی رینکنگ میں پہلے نمبر پررہے لیکن انگلش ٹیم کے خلاف ٹیسٹ میچ میں ویرات کوہلی نے 149 اور 51 رنز کی اننگز کھیل کران سے یہ پوزیشن چھین لی۔
آئی سی سی کی نئی ٹیسٹ رینکنگ کے مطابق ویرات کوہلی پہلی آسٹریلوی کھلاڑی اسٹیو اسمتھ دوسری جبکہ انگلینڈ کے کھلاڑی جو روٹ تیسری پوزیشن پربراجمان ہیں۔
انگلینڈ نے بھارت کو پہلے ٹیسٹ میں 31 رنز سے شکست دے دی
یاد رہے کہ گزشتہ روز انگلینڈ کے شہربرمنگھم میں کھیلے جانے والے پہلے ٹیسٹ میچ میں بھارتی ٹیم 54.2 اوورزمیں 162 رنزپرڈھیر ہوگئی تھی۔
میزبان ٹیم انگلینڈ نے اپنا 1000واں ٹیسٹ میچ 31 رنزسے جیت کر پانچ ٹیسٹ میچوں کی سیریز میں 0-5 کی برتری حاصل کرلی۔
واضح رہے کہ انگلینڈ اور بھارت کے درمیان سیریز کا دوسرا ٹیسٹ میچ 9 اگست کو لندن میں کھیلا جائے گا۔
