کراچی/ مردان : قومی کھلاڑیوں نے یوم آزادی کے موقع پر پوری قوم کو جشن آزادی کی مبارکباد دی ہے۔ اپنے پیغامات میں انہوں نے نیک خواہشات کا اظہار کرتے ہوئے آزادی جیسی عظیم نعمت کی قدر کرنے پر زور دیا۔
تفصیلات کے مطابق پاکستا کے71ویں جشن آزادی کے موقع پر کرکٹرز اور دیگر کھلاڑیوں نے بھی پاکستانی قوم کو مبارکباد دی ہے، اس حوالے سے پاکستان کرکٹ ٹیم کے کھلاڑی شعیب ملک کی اہلیہ ثانیہ مرزا نے بھی پاکستانی قوم کو جشن آزادی کی مبارک باد اور نیک خواہشات کا اظہار کیا ہے۔
سماجی رابطوں کی ویب سائٹ ٹوئٹر پر جاری اپنے ایک پیغام میں ان کا کہنا ہے کہ پاکستان کے71ویں جشن آزادی پر تمام پاکستانیوں مداحوں اور دوستوں کو بھارتی بھابھی کی جانب سے نیک تمنائیں اور جشن آزادی مبارک ہو۔
پاکستان کرکٹ ٹیم کے کپتان سرفراز احمد نے بھی اپنی رہائش گاہ پر اہل خانہ کے ہمراہ آزادی کا جشن منایا اور کیک کاٹا۔
Celebrating Independence Day at home PAKISTAN ZINDABAD 🇵🇰 pic.twitter.com/255teHUrMu
— Khushbakht A Shah (@KhushSarfaraz) August 14, 2018
سابق کرکٹر اور سوئنگ کے سلطان وسیم اکرم نے اپنے ٹوئٹر پیغام میں قوم کے نام اپنی پیغام میں کہا ہے کہ آج ہم صرف تاریخ کو ہی عزت نہیں بخش رہے بلکہ بحیثیت قوم ہم اپنے مستقبل کا جشن بھی منارہے ہیں۔
Today we are not only honouring our history, Today as a Nation we are celebrating for our future. Happy Independence Day Pakistan 🇵🇰
— Wasim Akram (@wasimakramlive) August 14, 2018
بوم بوم شاہد آفریدی کا اپنے پیغام میں کہنا ہے کہ اس جشن آزادی پر آئیں اور عہد کریں کہ ہم سب مل کر اس ملک کو سنوارنے میں اپنا بھرپور کردار ادا کریں گے۔ تبدیلی خود سے کیونکہ ہم اس ملک سے ہیں اور یہ ملک ہم سے ہے۔ آزادی ایک نعمت ہے اس کی قدر کیجئے۔ پاکستان زندہ باد۔
اس جشن آزادی آئیں مل کر عہد کریں کہ ہم سب مل کر اس ملک کو سنوارنے میں اپنا کردار ادا کریں گے۔ تبدیلی خود سے کیونکہ ہم اس ملک سے ہیں اور یہ ملک ہم سے۔ آزادی ایک نعمت ہے اس کی قدر کیجئے۔ پاکستان زندہ باد pic.twitter.com/Xq96QnrTWK
— Shahid Afridi (@SAfridiOfficial) August 13, 2018
قومی ٹیم کے سابق فاسٹ بولر وقار یونس نے بھی اپنے ٹوئٹر پیغام میں کہا ہے کہ تمام دوستوں، ہم وطنوں کو چودہ اگست کی آزادی اور 2018 کی تبدیلی بہت بہت مبارک ہو۔
Tamaam Dostoun Humwatnoun ko 14 August ki Azadi or 2018 ki Tabdeeli bohot bohot Mubarak ho 🎉🎉🎉#PakistanZindabad pic.twitter.com/3CQWcGOfGK
— Waqar Younis (@waqyounis99) August 14, 2018
اس کے علاوہ سابق کپتان اور آل راؤنڈر محمد حفیظ نے ٹوئٹر پر اپنے بچوں کے ساتھ تصویر شیئر کی ہے اپنے پیغام میں انہوں نے پاکستانی قوم کو آزادی کی مبارکباد دیتے ہوئے پاکستان زندہ باد کا نعرہ بھی لگایا۔
Happy Independence Day PAKISTAN 🇵🇰 ❤️, Pakistan zindabad pic.twitter.com/b7vv5Js66O
— Mohammad Hafeez (@MHafeez22) August 13, 2018
علاوہ ازیں مردان میں قومی کرکٹر فخرزمان نے بھی جشن آزادی کا کیک کاٹا اور قوم کو یوم آزادی کی مبارکباد دی ہے، انہوں نے اپنے پیغام میں کہا کہ عوام پاکستان کو عظیم سے عظیم تر بنانے اور ملک کی ترقی میں اپنا بھرپور کردار ادا کریں۔
