کراچی : سندھ اسمبلی کے نومنتخب اسپیکر آغا سراج درانی نے کہا ہے کہ جمہوری سسٹم چلنے ہی سے مضبوط ہوگا.
ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ اسپیکراورڈپٹی اسپیکرکاانتخاب خوش اسلوبی کےساتھ ہوا، جمہوری عمل آگے بڑھے گا.
ان کا مزید کہنا تھا کہ اسمبلی میں تمام رولزکو فالو کیا گیا، سلسلہ آگے بھی جاری رہے گا، جن کو کل پاسز جاری ہوں گے، وہی آسکیں گے.
ان کا کہنا تھا کہ ایوان رولزکے مطابق چلے گا،ایوان کی کارروائی چھپ نہیں سکتی،ہرچیزریکارڈپرہوتی ہے.
یاد رہے کہ آج سندھ اسمبلی میں پیپلز پارٹی کے رکن سندھ اسمبلی آغا سراج درانی اسپیکر، جبکہ ریحانہ لغاری ڈپٹی اسپیکر منتخب ہوئے۔
سندھ اسمبلی: آغا سراج درانی اسپیکر، ریحانہ لغاری ڈپٹی اسپیکر منتخب
آغا سراج درانی کا متحدہ اپوزیشن کے جاوید حنیف سے مقابلہ تھا. آغا سراج کو 96 ووٹ جبکہ ایم کیو ایم پاکستان سے تعلق رکھنے والے جاوید حنیف کو 59 ووٹ ملے ہیں، تین ووٹ مسترد کیے گئے۔
آغا سراج درانی اس عہدے پر دوسرے بار فائز ہوئے ہیں. وہ 2013 سے 2018 کے عرصے میں بھی سندھ اسمبلی کے اسپیکر کے عہدے پر فائز رہے۔
پیپلز پارٹی کو سندھ اسمبلی میں 75 ارکان کے ساتھ واضح اکثریت حاصل ہے۔
