اسلام آباد: تخت لاہور کا تخت نشیں کون ہوگا، پی ٹی آئی کی جانب سے اعلان کل کیا جائے گا.
تفصیلات کے مطابق عمران خان کی زیرصدارت بنی گالا میں اہم اجلاس ہوا، جس کے بعد وزیراعلیٰ جنوبی پنجاب سے لانے کا امکان قومی ہوگیا ہے.
پارٹی ذرایع کا دعویٰ ہے کہ اس ضمن میں مخدوم ہاشم،محمدخان لغاری، جہانزیب کھچی اورحسنین بہادر کے نام زیرغورہیں.
عمران خان کی زیرصدارت اجلاس میں وزارت عظمٰی کے انتخاب کے ساتھ ساتھ وفاق اور کے پی کابینہ کی تشکیل سمیت اہم امور پر مشاورت ہوئی.
پارٹی ذرایع کے مطابق عمران خان وزیراعلیٰ پنجاب کے لئے مشاورت مکمل کر چکے ہیں، وزیراعلیٰ پنجاب کا فیصلہ کر لیا.
فیصلے کے مطابق وزیراعلیٰ لاہورسے نہیں، بلکہ پس ماندہ علاقے سے مڈل کلاس کا نمایندہ ہو گا.
چوہدری پرویز الٰہی پنجاب اسمبلی کے اسپیکر منتخب
حالیہ فیصلوں کے بعد علیم خان، میاں اسلم اقبال، یاسمین راشد وزارت اعلیٰ کی دوڑسے باہر ہوگئے ہیں.
یاد رہے کہ آج متحدہ اپوزیشن کے امیدوار چوہدری پرویز الہیٰ اسپیکر پنجاب اسمبلی منتخب ہوئے۔ پرویز الہیٰ نے 201 اور چوہدری اقبال نے147 ووٹ حاصل کیے۔ اسپیکر کے انتخاب کے دوران 348 ووٹ کاسٹ ہوئے جس میں سے ایک ووٹ مسترد کردیا گیا۔
