اسلام آباد: تحریک انصاف کے چیئرمین عمران خان کو وزیراعظم بنتے دیکھنے کی خواہش کے لیے چاچا کرکٹ نے ایوان میں داخل ہونے کی کوشش کی، سیکیورٹی حکام نے معذرت کرلی۔
تفصیلات کے مطابق تحریک انصاف کے چیئرمین عمران خان کو وزیر اعظم بنتے دیکھنے کے لیے چاچا کرکٹ نے ایوان میں داخل ہونے کی کوشش کی جسے سیکیورٹی حکام نے ناکام بنادیا ہے۔
چاچا کرکٹ نے کہا کہ مجھے تھوڑی دیر کے لیے اندر جانے دیں، سیکیورٹی حکام نے داخلے کی اجازت دینے سے معذرت کرلی۔
واضح رہے کہ قومی اسمبلی میں وزیر اعظم کے لیے نتائج کا اعلان کردیا گیا ہے، عمران خان 176 ووٹ حاصل کرکے وزیر اعظم منتخب ہوگئے جبکہ مسلم لیگ ن کے شہباز شریف 96 ووٹ حاصل کرسکے ہیں۔
مزید پڑھیں: عمران خان آئندہ پانچ سال کے لیے پاکستان کے وزیراعظم متخب
اسپیکراسد قیصر وزیراعظم کے نتائج کا اعلان کیا، انتخاب سے قبل اراکین کو بلانے کے لیے گھنٹیاں بجائی جائیں گی، عمران خان کے حامی اراکین اسپیکر کے دائیں جانب جبکہ شہباز شریف کےحامی اسپیکرکے بائیں جانب رجسٹر پر اندراج کریں گے۔
قبل ازیں نمبر گیم میں تحریک انصاف مجموعی طور پر ایک سو اننچاس نشستوں کے ساتھ ایوان زیریں میں سب سے آگے ہے جبکہ اتحادی جماعتوں اور آزاد ارکان کی حمایت نے پی ٹی آئی کو میجک نمبر ایک سوستتر تک پہنچا دیا ہے۔
مسلم لیگ ن قومی اسمبلی میں اسی ارکان کے ساتھ انتہائی کمزور پوزیشن ہے، اتحادی پیپلز پارٹی اور جماعت اسلامی نےبھی ن لیگ کے امیدوار شہباز شریف کو ووٹ نہ دینے کا فیصلہ کیا ہے۔
جس کے بعد مسلم لیگ ن کے وزیراعظم کا انتخاب جیتنا مزید مشکل ہوگیا اور ایوان میں پیپلز پارٹی 53 نشتیں کم ہوجانے کے بعد ہم خیال جماعتوں کے ارکان کو ملا کر بھی ان کے پاس 100 ارکان موجود نہیں ہیں۔
