عید الاضحٰی اپنے اختتام کو پہنچی تاہم عید کی دعوتیں ابھی بھی جاری ہیں۔

3 دن تک بہت سے لوگ گوشت کی مختلف ڈشز کھا کر یقیناً اکتا گئے ہوں گے تو ایسے میں ہم آپ کو مزیدار بھنڈی مصالحہ بنانے کی ترکیب بتا رہے ہیں۔

اجزا

بھنڈی: آدھا کلو

تیل: آدھا کپ

لہسن: 1 چائے کا چمچ

نمک: 1 چائے کا چمچ

ہلدی: آدھا چائے کا چمچ

کلونجی: آدھا چائے کا چمچ

لال مرچ پسی ہوئی: 1 چائے کا چمچ

ٹماٹر باریک کٹے ہوئے: 3 عدد

پیاز تلی ہوئی : 1 عدد

ہری مرچ: 4 عدد

ترکیب

سب سے پہلے تیل میں بھنڈیاں فرائی کر لیں یہاں تک کہ وہ براؤن ہو جائیں۔ پھر انہیں نکال کر ایک طرف رکھ دیں۔

اب اسی تیل میں لہسن، نمک، پسی لال مرچ، کلونجی اور ہلدی فرائی کریں اور تھوڑا سا پانی شامل کر دیں۔

پھر اس میں ٹماٹر ڈال کر ہلکی آنچ پر پکائیں۔

آخر میں فرائی کی ہوئی بھنڈیاں، ہری مرچ اور تلی پیاز شامل کر کے دس منٹ کے لیے دم پر چھوڑ دیں۔

مزیدار بھنڈی مصالحہ تیار ہے۔