لندن: ایک ریسرچ کے مطابق ماحولیاتی آلودگی جسمانی صحت کے ساتھ ساتھ ذہن کو بھی متاثر کرتی ہے.
برطانوی خبر رساں ادارے کی رپورٹ میں دعویٰ کیا گیا ہے کہ زیادہ عرصے تک فضائی آلودگی کا شکار رہنے والوں کی ذہنی صلاحیت گھٹنے لگتی ہے.
تحقیق کے مطابق فضائی آلودگی شہری آبادی کو زیادہ متاثر کرتی ہے. یاد رہے کہ دنیا کی بڑی آبادی اس وقت شہری علاقوںمیں مقیم ہے.
اس تحقیق کے دوران چار سال سے زائد عرصے تک تقریباً 20 ہزار چینی باشندوں کی لسانی اور ریاضی کی صلاحیتیوں کی نگرانی کے بعد اعدادوشمار مرتب کیے گئے.
مزید پڑھیں: ماحولیاتی آلودگی کے باعث ذیابیطس کا مرض تشویشناک حد تک بڑھ گیا، تحقیق
عمر کے ساتھ ساتھ آلودگی کے منفی اثرات بڑھتے جاتے ہیں، ناخواندہ افراد اس سے زیادہ متاثر ہوتے ہیں.
تحقیق کے شریک ایک ماہر کے مطابق بڑے پیمانے پر آلودہ فضا کی وجہ سے تعلیمی اور ذہنی سطح اوسطاً ایک سال تک کم ہو جاتی ہے.
یہ ریسرچ 10 مائیکرو میٹر کے علاقے کی فضا میں موجود سلفر ڈائی آکسائیڈ، نائٹروجن ڈائی آکسائیڈ کی بنیاد پر کی گئی۔
واضح رہے کہ فضائی آلودگی سالانہ 70 لاکھ افراد کو متاثر کرتی ہے اور اکثر معاملات میںجان لیوا ثابت ہوتی ہے.
واضح رہے کہ دنیا کی 91 فی صد آبادی کو آج سانس لینے کے لیے صاف فضا میسر نہیں.
